بسطيلة الحوت

بسم الله الرحمن الرحيم 

بسطيلة الحوت

اليوم سأقدم لكم بسطيلة الحوت من أختي العزيزة نادين

شهيوات نادين مغربية و عالمية

المقادير :

500 غ ورق البسطيلة كبيرة
100 غ زبدة
1 كغ كروفيت
1 كغ كلمار
1 كغ هبرة السمك الابيض ميرلا فرخ للوط او سيف
ملح ابزار 
3 م ك زبدة
20 غ فطر اسود
150 غ شعرية الصينية
معدنوس
هريسة
حامض مصير مقطع صغير
صوص طماط
ملح ابزار كامون تحميرة معدنوس 

بعض الكروفين ممنقيش للتزيين. 

الطريقة :

نقليو الكروفيت فالزبدة مع ملح وابزار حتى يتشحر نحتافضو بيه جانبا. نشحرو الكلمار حتى هو منطيبوهش بزاف باش ميقصاحش ونحتافضو بيه. نفورو هبرة السمك ونقيوها من الشوك نحتافضو بيها. نفزكو الشعرية الصينية فالماء الغليان ونستقطروها. نفزكو الفطر الاسود فالماء الغليان نقيوه ونقطعوه. نوجدو صوص طماط بالملح الكامون ابزار تحميرة و المعدنوس تشحر حتى تنشف. فاناء نقطعو الشعرية الصينية تم نضيفو الحامض مصير الصوص طماط المعدنوس الهربسة الكروفيت الكلمار و الهبرة نخلطو بمهل حتى تتجانس العناصر كلها تم نضيف الفرماج المحكوك ونحتفظ بالخليط. نقطع ورق البسطيلة بالمقص الى شرائح رقيقة نفككوها ونرشوها بنصف مقدار الزبدة ناخدو صينية البسطيلة الدائرية او المربعة نفرشو نصف مقدار ورق البسطيلة نفرغو الحشوة نقادوها نضيفو شوية فرماج محكوك تم نغطيو الحشوة بباقي شرائط البسطيلة نرشو بباقي الزبدة ندخلوها للفران 30 دقيقة او حتى تتحمر نزوقوها بللقمرون او بريوات مشكلة و فرماج محكوك ونقدموها ساخنة

بالصحة والعافية