وصفة الرافيولي الصيني بالكفتة مفورين

بسم الله الرحمن الرحيم 

وصفة الرافيولي الصيني بالكفتة مفورين

السلام عليكم ورحمة الله وبركاته اليوم سأقدم لك سيدتي في القسم الجديد أطباق عالمية وصفة الرافيولي الصيني بالكفتة مفورين من يدي الأخت الكريمة نادين :

شهيوات نادين العالمية

المقادير :

عجينة الرافيولي: 

500 غ دقيق قمح
ملح
ماء كافي غليان

حشوة الرافيولي

نصف كيلو كفتة
3 بورو
1 بصلة 
1/4 كرمبة صغيرة
بيضة
2 م ك زيت الزنجلان
2 م ك صوص الصوجا
2 م ك سكينجبير طري
1 م ك نشا 
1 م ك خل

ملح ابزار

الطريقة :

ناخدو اناء نوضعو فيه الدقيق والملح ونكبو عليه الماء الغليان دروري يكون سخون بزاف نخلطوه بمعلقة خشبية ومنين يجمع نعركوه شوية باليد ونخليوه يرتاح 30 دقيقة علا الاقل.
ناخدو اناء نعملو فيه الكفتة,البيضة,الملح,الابزار,الخل,النشا,سكينجبير,صوص الصوجا و زيت الجلجلان نخلطو مزيان حتى يتجانس الخليط وناخدو البورو البصل والكرمب ونقطعوه طراف صغار بزاف ونضيفوه للخليط ونحتافضو بيه. 

العجين ديالنا رتاح 30 دقيقة ناخدوه ونقسموه على 2 نحربلو واحد بواحد ناخدوا الحربول ونبداو نقطعوه طراف صغار وكل مرة قطعنا نقلبو الحربول باش العجينة تبقا مدورة منين نساليو نرشوهم بالدقيق باش مايلصقوش مع بعضهم وناخدو وحدة نبركو عليها براحة اليد وناخدو مدلك ونسرحو الجوانب ديالها ونخليو الوسط غليظ شوية يعني نرققو الجناب ونخليو الوسط غليظ شوية منين نساليو كل الكورات نبداو نعمروهم بمعلقة وحدة نجمعو الوسط ونتبعوه الجناب منين نساليو كلشي اللي عندو الكسكاس ديال الرافيولي يستعملو واللي معندوش يستعمل الكسكاس العادي يفزك سربيتة ويحطها فقلب الكسكاس ويستف الرافيولي ويخليهم يتفورو منين يبانو ليكم صبحوا كيبينو الحشوة صافي راهم طابو

بالصحة والعافية
شهيوات نادين العالمية