اللحم مفور بالخضر

بسم الله الرحمن الرحيم 

اللحم مفور بالخضر

المقادير :

لحم الغنم أو البقر+ بصلة مقطعة رقيقة+ ملح+كامون +الخضر اللى استعملت الجزر+البطاطا + جلبانة و يمكن ليك تستعملي جميع الخضر لي متوفرة عندك 

الطريقة :
نفرش البصل في الكسكاس ونملح اللحم ونديروه في الكسكاس نخليوه احتى يطيب نجربوه بالموس او الفورشيط احتى نتاكدو بانه طاب مزيان هنا نقدرروا نستعملو طريقتين اما نقدموه فورا مع الملح والكمون (اللحم المبخر) او ندهنو لاطة الفرن بالزبدة وشوية السمن وندخلوه يتحمر(اللحم مبخر ومحمر)
نبخرو الخضر متفرقة في الكسكاس
ونوجدو لاصوص متكونة من (زيت زيتون+ ثوم+ ملح+ كمون + الابزار+ معدنوس مقطع اختياري)

 في صحن التقديم نفرش الخص نخلطو الخضر مع  الصلصلة ونقدموها مع اللحم من و نزينو بالزيتون و الفلفلة ملونة و نرافق معها الملح و الكامون