المقادير
دجاجة متوسطة مغسولة مزيان ومرقدة في الملحة والحامض و شوية سكنجبير
بكية الشعرية الصينية
قزبور ومعدنوس مقطع رقيق
ثوم مدقوق
نصف ملعقة صغيرة ملح
نصف ملعقة صغيرة ابزار
نصف ملعقة سكنجبير
قايل هريسة
ملعقة صغيرة سمن
شوية زيت بلدية
شوية زيت المائدة
زعفران
زيتون أخضر مقطع
حامض مصير مقطع رقيق
كبدة وكنصة والقلب الدجاج نقطعهم مربعات صغار ونصلقهم مع شوية الملح حتى يطبواونصفيهم
الطريقة
غلي الماء وزيدي عليه الشعرية حتى ترتطاب صفيها وفي اناء خلطي الشعرية مع الثوم والربيع والزيتون وزيدي التوابل على حسب دوقك زيدي شوية سمن وزيت بلدية وزيت المائدة خلطي مزيان وعمري الدجاجة ديالك من الداخل و ديريها تبخر في الكسكاس من بعد ماتطيب ديريها في صحن خاص بالفرن دهنيها بالزبدة والسمن والزعفران شعرة الى عندك و الموطارد وحمريها
و التقديم على حسب الرغبة ديالك انا قدمتها مع الخضر مشكلة و مفورة
بالصحة و الراحة
إرسال تعليق